منتديات احمد كو

]



 
الرئيسيةبوابه احمد كواليوميةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

  ورجعنا تانى مع ..... حلقااااات الحب الحااائر ... الجزء ((2))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamed



ذكر
عدد المساهمات : 141
نقاط : 423
السٌّمعَة : 0
تاريخ التسجيل : 16/03/2011
الموقع : http://ahmed-ko.yoo7.com
العمل/الترفيه : طالب
المزاج : رايق

مُساهمةموضوع: ورجعنا تانى مع ..... حلقااااات الحب الحااائر ... الجزء ((2))    الأربعاء أبريل 27, 2011 10:08 am

الحلقة الاولى


كنا وصلنا فى اخر الجزء الاول ان ........


- "ريم" "وحازم" اتجوزوا وجابوا "شريف" الصغير ........... وان "شريف" و "شرين" اتجوزوا
وجابوا توأم "ريم" و"ريماس" ......... و"ريم" الصغيرة اتجوزت "شريف" الصغير بعد لما اتخرجوا
من كلية تجارة انجليزى ومسكوا ادارة الشركة بتاعتهم ......... و"ريماس" اتجوزت "احمد" المهندس
اللى اتعرفت عليه بعد لما اتخرجت من كلية الهندسة واشتغلت فى شركتهم برضو .

- يارب تكونو افتكرتوا بس ......

ونبدا بقى دلوقتى نكمل ............


- العيلتين "ريم وحازم" "شرين وشريف" ارتبطوا ببعض قوى .......... وتقريبا كده اصبحوا
عيلة واحدة..... وعشان كده قرر "شريف" الكبير انه يدور على بيت كبير يسكنوا كلهم
فيه ......... بس طبعا بعد لما ياخد راى اخوه وصديق عمره ونسيبه "حازم" .......... واتصل بيه فى يوم
بالليل قبل ما ينام ........

شريف: الو .
حازم: ايوة يا شريف ...... ازيك ... عامل ايه .......؟
شريف: ايه الاونطة دى ..........؟ ما انا كنت لسة معاك الصبح .
حازم: ولما انت كنت معايا ....... بتتصل ليه .........؟
شريف: بص يا حازم ...... عايزك بكرة ضرورى ....... ممكن .......؟
حازم: ما احنا كده كده بنتقابل فى الشركة .
شريف: لا .... الموضوع مش شغل خالص ........ نتقابل بره بعد الشركة ....... ماشى .......؟؟
حازم: ماشى ....... بس هو الموضوع مهم قوى كده .......؟ طب قولى دلوقتى فى ايه وبكرة نتفاهم
شريف: متقلقش ...... وبعدين بكرة هنتكلم براحتنا .
حازم: ماشى ....... فى اى حاجة تانية ........؟
شريف: ربنا يخليك ..... اسيبك ترتاح بقى ..... تصبح على خير .
حازم: وانت من اهله .... مع السلامة .


- قفلوا الاتنين مع بعض وكل واحد دخل ينام على اساس هيتقابلوا تانى يوم ...... وفعلا
تانى يوم بعد معاد الشركة "شريف" راح عند "حازم" المكتب .........

شريف: ها يا حازم ....... جاهز .....؟
حازم: دقيقة وانزل معاك ....... امضى بس الورقتين دول .


- خلص "حازم" بس بعد ساعتين ......... ونزلوا الاتنبن وكانوا متاخرين قوى .........
"شريف" اخد "حازم" معاه فى العربية ومشيوا ....... وقعدوا يتكلموا فى الطريق ...........

شريف: يعنى كان لازم التاخير ده ......؟
حازم: طب اعمل ايه ...... والله غصب عنى ....... كله كان قدامك .
شريف: كان ممكن تاجل الموضوع ده لبكرة لما تيجى .
حازم: بكرة الجمعة ومفيش شغل ...... ثم ان الفاكسات دى كان لازم نرد عليها النهاردة .
شريف: كان ممكن تسيبها لريماس ....... ما هى نفس التخصص يا اخى .
حازم: ريماس ......؟ يبقى عمرنا ما هنشتغل .
شريف: افهم من كده انك بتشكك فى قدرات بنتى ..........!!؟
حازم: لا .... اشكك ايه ..... البنت لسة شغالة جديد ..... وكمان عروسة جديدة ....... براحة عليها ...... لكن هى ما شاء الله عليها .. مهندسة هايلة .... وبعدين الجيل الجديد ده مش بتاع شغل .
شريف: يعنى ايه ؟
حازم :يعنى ماشين بالبركة ودعاء الوالدين ........ والشركة دى احنا كبرناها وكبرنا معاها ....... يعنى مش هينفع نضيعها يا شريف .
شريف: بس احنا كبرنا وتعبنا يا حازم ....... ودلوقتى دورهم ..... ولا هيعيشوا ملوك طول عمرهم ......؟
حازم: انا مقلتش كده ..... بس نصبر عليهم ..... احنا كنا زيهم ويمكن اكتر ..... ولا ناسى ....؟
شريف: لا مش ناسى ..... بس نفسى يتحملوا المسؤلية .
حازم: هانت .... وكلها كام سنة ونقعد انا وانت ونسيبهم يكملوا ...... ولحد الوقت ده احنا نعلمهم اصول الشغل ..... وربنا يهديهم .
شريف: ربنا يسمع منك .... يلا بقى عشان وصلنا .


- نزلوا من العربية قدام الكافيه اللى دايما "شريف" بيروحه ..........

حازم: انا نفسى اعرف يا اخى ....... ايه سر حبك للكافيه ده .......؟
شريف: يعنى حكاية تعود بس .


- دخلوا الكافيه وطلبوا القهوة بتاعتهم .........

حازم: لما انت بتحب قاعدة الكافيهات والقهاوى ...... ليه متعملش حاجة بتاعتك تقعد فيها براحتك وتكون على مزاجك
شريف: لا بحب قاعدة الكافيهات ولا حاجة ........ ليه بتقول كده .......؟
حازم: كل حاجة بتعملها هنا ..... ده حتى العملاء بتقابلهم هنا .
شريف: لا عادى ...... هو مكان حبيته واتعودت عليه .
حازم: اااااه ....... اتعودت عليه وحبيته عشان شرين بتحبه مش كده .
شريف: اه طبعا ...... شرين دى حب عمرى .
حازم: هو انت لسة بتحبها زى الاول .....؟
شريف: اه طبعا ....... ويمكن اكتر كمان ..... وبعدين ايه ده ......؟ انت هتاخدنى بكلامك ده وتنسينى اللى جايبك عشانه .....؟
حازم: اه صحيح ..... كان فى ايه ......؟
شريف: بص يا سيدى .... احنا بقالنا حوالى 30 سنة اصحاب مش كده .....؟
حازم: الله اكبر ..... امسك الخشب يا اخى .


- "حازم" كان بيدور حواليه ........
حازم: ايه الكافيه اللى مفهوش خشب ده ..........؟
شريف: بطل هزار بقى .... احنا دلوقتى نسايب واهل كمان .
حازم: هو انت شوفت منى حاجة ......؟
شريف: لا طبعا .... كل الموضوع انى بفكر فى حاجة كده ...... وعايزك معايا فيها .
حازم: حاجة ايه ....؟


- شريف بدا يتكلم ... بس حازم كان مستغرب قوى من كلامه ...


دى الحلقة الاولى وعايزة اشوف رأيكم ف الجزء ده بقى وأكمل ولا بلاش ...!!؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ورجعنا تانى مع ..... حلقااااات الحب الحااائر ... الجزء ((2))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احمد كو :: قسم الادب والشعر والخواطر :: قسم الادب والشعر والخواطر :: منتدى الحب والرومانسيه-
انتقل الى: