قصه حب لا ينتهى

الحلقه التانيه

رجعت هايدى لقت عبد الرحمن واقف مع شله ولاد ومعاهم بنت
اول موصلت وعبد الرحمن شافها شاورلها عشان تجيله

عبد الرحمن :تعالى يا هايدى اعرفك

ده باسم فرقه اولى معانا
وده احمد فرقه اولى بردو

وده عماد فرقه رابعه

ودى بسمه فرقه اولى

هايدى طبعا مضايقه لانها متعرفهمش
فردت بابتسامه : اهلا وسهلا

ووقفت ساكته وهما بيتكلمو عن الدكاتره

عماد : الدكتور محمد عبد العليم ده كويس جدا حاولو تحضرولو كل محاضراته لانه بيحب الطلبه الملتزمين

عبد الرحمن : ان شاء الله هنلتزم ده انا مش هفوت محاضره

بسمه : وانا كمان ربنا يقدرنى واعرف احضر كل محاضراته

باسم : انا عشان شغلى مش عارف هعرف التزم ولا لاء

هايدى : ان شاء الله ربنا يوفقنا ونتخرج على خير
وصلت مروه وسلمت ع الجميع وبدا عبد الرحمن يعرفها على الناس وجه معاد اول محاضره ليهم ف الجامعه

واثناء المحاضره جه لعبد الرحمن تليفون
طبعا معرفش يرد ولا يعرف مين

خرج من المحاضره لقى نفس الرقم بيتصل تانى

عبد الرحمن : الو
المتصل : استاذ عبد الرحمن
عبد الرحمن : ايوه انا مين حضرتك

المتصل : انا سواق تاكس وكان راكب معايا واحد و عملنا حادثه
وهو دلوقتى تعبان جدا وده اخر رقم هو متصل بيه فا اكيد حضرتك تعرفو

عبد الرحمن بقلق : استر يارب مين ده

المتصل : معرفش اسمه ايه

عبد الرحمن : طيب انت فين .. اوكى انا جاى حالا

هايدى فى ايه مالك يا بودى

معرفش واحد كلمنى بيقولى ان معاه واحد عامل حادثه تقريبا محمد لانه قالى انا ف الطريق من بدرى واتاخر لحد دلوقتى مجاش

هايدى بلهفه: محمد ربنا يستر ويبقى بخير

عبد الرحمن : خدو بالكم من بعض ولما تروحو طمنينى

هايدى : وانت اول متوصل وتطمن طمنى عليه